Кодшо кечылаште Марий кундемын талантан сӱретчыже Татьяна Сагельдиналан Санкт-Петербург гыч награде толын.
Татьяна ты кеҥежым эртаралтше «Триумф» тӱнямбал фестивальыште участвоватлен.
Тудын «Зимний воскресный день в Йошкар-Оле.1994 год» пашажым икымше степенян диплом дене,
тауштымашан серыш да кубок дене палемденыт. Ты картине Марий Элын историйыштыже шкешотан
верым налын — кызыт тудо республикысе изосымыктыш тоштерыште «моторлана». Кеҥежымат теле куандара
улмаш!
