Кеҥеж лагерь лиеш

 

Тений кеҥежым кундемыштына 62 тӱжем утла йоча лагерьлаште канышаш.

Каныме да тазалыкым пеҥгыдемдыме 184 организацийыште 16 тӱжем наре еҥ кана, тышеч 7 тӱжем утлаже – неле илыш ситуацийыште улшо йоча. Йоча усталык да самырык-влак полатын «Радужный» каныме верыштыже 5 профильный смене лиеш. Тушто ешартыш шинчымашым пуымо 7 программе почеш пашам ышташ тӱҥалыт.

Школ пеленысе лагерьлашке 42 тӱжем тунемше коштшаш. Тыгак 2 тӱжем наре икшыве республик деч ӧрдыжкӧ кайышаш. Нуно «Артек», «Орленок», «Смена», «Сириус» федеральный каныме рӱдерлашке каят.