Республикысе студент отряд-влак региональный слётышто кеҥеж паша семестрым иктешленыт.
Республикысе самырык еҥ-влак 32 отрядыште тыршеныт. Санкт-Петербург гыч Курил отро марте лу регионышто ӱдыр-рвезе-шамыч вожатыйлан, проводниклан, чоҥышылан, колым обрабатыватлышылан, горничныйлан, официантлан, медиклан ыштеныт.
Ты мероприятий «Авангард» рӱдерыште эртаралтын. Самырык-влак мастер-классыш, семинарыш, интеллектуальный модышыш ушненыт. Пайремле ужашыште кеҥеж пашаште эн сай лектышым ончыктышо студент-влак суапландаралтыныт.
Студент отряд-влакын тӱшкашт гыч налме фото.