Ава капиталым кучылтмо шотышто, поснак пачерым налме годым, иктаж чарак уло мо?
Марина.
Юрино район.
Юрино районын прокуроржо Иван Кузьминых вашешта:
– Ава капитал оксам федеральный законодательствыште ончыктымо цельлан гына кучылташ лиеш.
Ача-ава-влак ава капитал дене налме пачерым (пӧртым) тӱшка собственностьыш, вате-марий, тыгак йоча-влак ӱмбакат, оформитлышаш улыт, кажныжлан пайым ойырыман. Тидым шукташ огыл гын, йочан интересшым шотыш налме огыл лиеш. Ава капиталым ешлан полыш семын кайыдымылан да закондымын кучылтмылан шотлат.