9 февральыште Йошкар-Олаште Калык прикладной сымыктыш тоштерыште У Торъял кундемын кидмастарже Роза Глушкова ден тудын Людмила ӱдыржын кидпаша выставкышт почылтын да 28 март йотке шуйна. Тудым рушла «Очарование кукол в национальных костюмах» манын лӱмдымӧ.
Ончерыште Российыште илыше тӱрлӧ калыкын вургемыштым чиктыме 50 утла курчак уло. Эн шуко курчакше марий вургеман улыт. Нунат тӱрлӧ тӱсан пеледышышт, посна узорышт, шовычышт, сӧрастарыме арверышт дене ойыртемалтыт. Нине мотор курчак-влакым ышташ кидмастар-влак тӱрлӧ тӱсан бисерым, полдышым, кышкывийым, ыршийым кучылтмо. Гладь йӧн дене тӱрлымӧ пеледыш-влакат тувырышто моткоч сӧралын койыт. Кидмастар-влак шӱртым шотлен, тошто марий узор-влакым кучылтыныт. Шижалтеш: кажне курчаклан вургемым кумыл дене ыштыме.
Эльвира Терентьева.