26 сентябрьыште Марий Эл Республикысе Кугыжаныш Погынын депутатше-влакын черетан Депутат кечышт «Защитники Отечества» кугыжаныш фондын республикысе филиалыштыже эртаралте. Тудо Йошкар-Ола покшелне Ленин проспектысе 24 д адрес дене верланен (ты зданийыштак – осликан шагат, Национальный кугыжаныш галерей).
Ӱшанъеҥ
Филиалым Марий Элыште тений 31 майыште почмо. Тудым боевой действийын ветеранже, Патырлык орденын кавалерже Ренат Магсумов вуйлата. Тылеч ончыч тудо самырык тукымым куштымашке шке надыржым пыштен, Марий Элыште «Юнармия» отрядын председательжылан ныл ий тыршен. Каласыман: лач ты чолга еҥын тыршымыжлан кӧра ты отрядлан Российыште эн ончыч СВО-што лийше Геройын лӱмжым пуымо. Кызыт тудо Д.Э.Шаймарданов лӱмеш. Тымарте элыштына СВО участникын лӱмжым ынде 60 отряд нумалеш.
Ренат Зуфарович ӱшанен пуымо у пашам уло кумыл дене тӱҥалын. Тудын манмыжла, фондын филиалже кум тылзыште ПФО-што да Российыште кугу кӱкшытыш шуын, неле да кӱлешан пашам шукта.
УМБАКЫЖЕ — «Кугарня» газетыште.
Эльвира Терентьеван фотожо-влак.