Кызыт Марий Элысе школлаште кажне арнян Российын флагшым нӧлталыт, гимным йоҥгалтарат. Ик тыгай торжественный линейкыш Марий Элысе образований да науко министр Л.Ревуцкая миен коштын.
Тудо Шернур посёлкысо Н.А.Заболоцкий лӱмеш 2-шо №-ан школын «От сердца к сердцу» волонтёр отрядшым, «Юнармий» военно-патриотический клубшым, «Орлята России» толкыныш коштшо ӱдыр-рвезе, «Движение Первых» толкынын ты школысо первичный пӧлкажын активистше-влакым саламлен, ойыртемалтше тунемше-шамычлан наградым кучыктен.
Палемдыман, Российын флагшым тунеммаште, шанче, спорт да усталык пашаште сеҥымашыш шушо ӱдыр-рвезе-влак нӧлталыт.