Кавунышто минеральный вещества ден витамин ятыр, садлан организмлан моткоч пайдале.
Верге да шондыгалта чер, шинчал погынымо, остеохондроз, ревматизм, подагре, тыгак шӱм черлан кӧра пуалме (отёк) годым тёрко гоч нӱжымӧ свежа кавуным 100 грамм дене кечеш ныл гана кочмо деч пел шагат ончыч кочман. Але пел стакан сокым кечыгут изин дене йӱаш лиеш.
Шотыш налза! Изи кислотностян гастрит, пагар йора, неле форман сакыр диабет годым свежа кавуным кочман огыл!
Пагар-шоло чер, тыгак запор да колит годым шолтымо кавуным эрдене яра пагареш кок-кум кугу совла дене кочман. Эркын дене 150 грамм марте ешарыман. Кечеш кок-кум гана кочмо деч 20-30 минут ончыч кочман. Тыге кок-кум тылзе эмлалтман. Икмыняр кече гыч мел шелме, умшасе кочо там, мӱшкыр корштымо да оварыме, запор эртат, аппетит саемеш, кочкыш сайынрак шула.