Марий Эл «Летят журавли» Российысе акцийыш ушнен. Тудым элыштына 22 мартыште Моско оласе «Крокус Сити Холлышто» шучко теракт годым илыш гыч кайыше-влакым шарныме лӱмеш увертарыме.
Акцийыш кажне кумылан еҥ ушнен кертын. Тидлан кагаз гыч турням ышташ, тудым сӱретлаш але соцсетьысе аватарыш ты кайыкын символжым шындаш кӱлын. Акцийын лӱмжым «Журавли» муро дене кылденыт. Тудым СССР-ын калык артистше Муслим Магомаев йоҥгалтара. Тысе концертым ончыктымо зал лачшым ты артистын лӱмжым нумалеш.