«Кавам сорлыклат»

4 декабрьыште Йошкар-Оласе «YOLKA» ужалыме рӱдерыште ДОСААФ-ын Марий Элысе пӧлкажын выставкыже почылтын.

Стендлаште да телеэкраныште Йошкар-Оласе авиационно-спортивный клубын историйже гыч фото ден видеоролик-влакым ужаш лиеш. Тушто 1935 ий гыч тачысе кече марте материал-влак улыт.

85 ий жапыште шуко еҥ тиде спортклуб гоч эртен. Лектышат куандара.

Тений Д.И.Захаровлан, И.В.Ротарьлан, И.В.Четвертныхлан, А.В.Касьяновлан, И.А. Дубровинлан, О.И.Куловлан, А.Ю.Решетовлан, А.В.Молчановлан, М.А.Турсуновлан да А.Н.Смирновлан парашют спорт дене 1-ше разрядым пуэныт.

А 6 декабрьыште Ольга Сысоева ден Татьяна Яковкина аэротрубаште чоҥештылме дене Россий чемпионатын «Групповая акробатика. Двойка» дисциплиныште кумшо верыш лектыныт.