Каныш кечылаште -650 корно правилым пудыртымо

Фотом aif-s3.aif.ru сайт гыч налме.

26-27 мартыште Марий Элыште Госавтоинспекций пашаеҥ-влак 650 корно правилым пудыртымым ужын шуктеныт. Транспортым йӱшывуя виктарымылан 11 еҥ логалын. Нунын кокла гыч кок еҥ шотышто уголовный делам тарватыме.

Корно правилым пудыртымылан тыгак 48 йолешкым кученыт, нунын кокла гыч индешыштын пычкемыш годым светоотражатель лийын огыл.

74 еҥын лӱдыкшыдымылык ӱштӧ лийын огыл. Нунын шотышто административный делам тарватыме.

Йочам транспортышто йоҥылыш шупшыктымылан 10 водительлан штрафым тӱлыктеныт.

Ты кок кечыште ДТП-ште сусыргышо лийын огыл.