23 мартыште Марий самырык театр школласе тунемше-влаклан писатель-классик Н.В.Гогольын «Мёртвые души» поэмыж почеш шындыме спектакльым ончыктыш. Ты постановкым кызыт кайыше «Театральный Йошкар-Ола» фестивальыште аклаш тӱҥалыт. Произведенийын персонажше-влак: Чичиков, Манилов, Собакевич, Коробочка, Ноздрёв, Плюшкин да моло — дене пеш оҥай «вашлиймаш» кок шагат утла шуйныш. Ты произведенийым театрыште ончыманак, вет тудым тунемме программыш пуртымо. А ынде, йолташ-влак, спектакль гыч ыштыме фото-влакым ончыза да аклыза.
