Тений Марий Элыште федеральный канал-влак кундемна дене палдарыше ятыр передачым войзеныт. Тушто Марий кундемын илышыже, кочкышыжо, илыш-кучемже, йӱлаже да тӱвыраж дене палдареныт. Тыге, мутлан, «Россия-1» телеканал дене «По секрету всему свету» программе ончыкталтын. Тыгак «Икымше канал» дене «Жизнь своих», «Повара на колесах» программе-влакым, «Пятница» канал дене «Гастротур» передачым, «НТВ» дене «Поедем, поедим» программым ужаш лийын.
