8-13 июльышто Марий Турек район Сардаялыште самырык ӱдыр-рвезе-влакын Российысе Марий самырык тукым XIV слётышт эртаралтын. Тушко Марий Эл, Татарстан, Пошкырт, Удмурт респу- бликла, Киров, Угарман кундемла гыч марий йылмын ончыкылыкшо верч азапланыше, марий шӱлышан, чолга, тале 60 наре ӱдыр-рвезе погынен.
Марий самырык тукым слётын организаторжо-влак: Марий Турек районысо администраций, Марий национальный конгресс, «ВийАр» тӱвыра кокласе кыл ушем, Марий Элысе йоча да самырык-влакын «Эр вий» ушемышт.
8 июльышто слётым торжественно почмо. Тушко Марий Эл Республикысе образований да науко министр Лариса Ревуцкая, тӱвыра, печать да калык-влакын пашашт шотышто министрын алмаштышыже Игорь Садовин, Российысе марий-влакын Федеральный национальный да тӱвыра автономийыштын председательже Лариса Яковлева, Оньыжа Эдуард Александров, Марий Турек район администрацийым вуйлатыше Сергей Решетов толыныт.
Слётышто лекций, арт-гостиный, мастер-класс-влакым эртареныт, лекцийым лудыныт, эксперт-шамыч дене вашлийыныт, самырык еҥ-влакын проектышт дене палымым ыштеныт.
Тек ӱдыр-рвезе-влак коклаште чӱкталтше келшымаш тул эре волгалт йӱла да кушкын толшо ончыкылык тукымлан маяк семын лиеш!
Марина БОГДАНОВА, Елена ГОДУНОВА, Валентина СЕМЁНОВА