11 сентябрьыште Марий Элыште Россий МВД-н «Калык участковый» конкурсшын регионысо этапше тӱҥалын.
Еҥ-влак онлайн-йӱклымаш полшымо дене ончыч шке оласе але районысо, вара республикысе эн сай участковыйлан шке йӱкыштым пуэн кертыт. Эн шуко йӱкым погышо участковый Российысе конкурсышто Марий Элын чапшым арала.
Онлайн-йӱклымашын икымше этапше 20 сентябрь марте шуйна. Марий Элысе МВД-н официальный сайтыштыже (https://12.мвд.рф/народный-участковый-2024) «Калык участковый» рубрикыште конкурсант-влакын анкетыштым ончал лекташ, нунын паша опытышт да сеҥымашышт нерген пален налаш да келшыше конкурсантлан шке йӱкым пуаш лиеш.