- Ломбо ӱмашсе дене таҥастарымаште ондакырак пеледын – шокшо да кукшо кеҥежлан. Молгунамсе деч варашрак пеледын – кеҥежын кокымшо пелыже йӱштӧ да йӱран лиеш.
- Ломбо пеледын – йӱштым вучыман.
- Йӱштӧ май – поян шыжылан.
- Йӱран май – йӱран кеҥежлан да кукшо шыжылан.
- Кукшо май кукшо июнь лийшаш нерген ойла. Тыгак йӱштӧ да йӱран сентябрь нерген шижтара.
- Май тӱҥалтыш шокшо гын, тылзе мучаш йӱштӧ лиеш.
- Майыште эҥыремышвот ятыр – шокшо кеҥежлан.
- Пызле вараш пеледме шыже вараш толмо нерген палдара.
- Тумо лышташ нерешташ тӱҥалын – йӱштӧ толмылан.