Сорла тылзын (августын) тиде арняштыже могай игече шогаш тӱҥалеш? Калык пале-шамыч мом сӧрат? Айста ончалына.
12 августышто мардежан игечыште изи йӱр йӱреш гын, кужу лавыртышлан.
13 августышто чыве-шамыч чыве вӱта деч мӱндырнӧ коштыт – игече пужлышаш.
14 августышто ушкалын шӧрым шагалемда – йӱрлан.
15 августышто игече могай – сентябрят тыгаяк лийшаш.
16 августышто чыве ден лудо-шамыч пуныштым йоктарат – вашке йӱштӧ толшаш.
17 августышто волгыдо игече шога гын, теле тӱҥалтыш пушкыдо да ямле лийшаш.
18 августышто кечывалым ояр, а кас велеш пыл погынаш тӱҥалеш гын, йӱрым але игече вашталтмым вучыман.