Эртыше кечылаште «Диалог Регионы» АНО республикысе министерстве, ведомство да муниципалитет-влакын еҥыштлан семинарым эртарен.
Тушко Марий Элым Вуйлатыше Ю.Зайцеват ушнен. Семинар калык дене кылым вияҥдыме, эн сай практике дене палдарыме амал дене лийын.
Семинар годым палемденыт: тений икымше пелийыште «Диалог Регионы» АНО-н компетенцийышкыже пурышо Регионым виктарыше рӱдер республикысе кучемыш еҥ-влак деч пурышо 20 тӱжем наре серышым фиксироватлен. Ӱмаште тыгаяк жапыште 14 тӱжем тыгай серыш пурен.
Марий Элысе калык ден кучем кокласе интернетыште вашкылым пеҥгыдемдыме амал дене соцсетьлаште кугыжаныш организаций-влакын 1188 официальный страницышт пашам ышта. Марий Элыште илыше-влак кокла гыч 56 % еҥже уверым интернет гыч пален налеш.