Марий Элысе утарыше-влак промышленный альпинизм дене профессионал мастарлыкыштым шуарат.
Нуно кӱшнӧ пашам чын шуктымо шотышто законодательствым шымленыт, снаряжений да оборудований дене палыме лийыныт. Тыгак ончыкылык альпинист-влак кӱшнӧ лийын кертше эҥгек деч шкем страховатлаш, пышкемым тӱрлӧ семын кылдаш, кандыра дене кӱзымӧ-волымо техникым тунемыныт.