20 август 5 шагат эр гыч Йошкар-Оласе рӱдӧ кӱвар (Ленин проспект) дене машина-влак уэш кок «полоса» дене кудалыштын кертыт.
Кӱварым олмыктымо пашам Марий Элым вуйлатышын сомылжым жаплан шуктышо Ю.Зайцевын йодмыж почеш жап деч ончыч ыштен шуктеныт. Пашам вияҥдаш манын, «Мостремстройын» пашаеҥышт кум смене дене тыршеныт.
Кызытсе жаплан асфальтым алмаштеныт, у бордюр-влакым пыштеныт. Йолешке-шамычын корным умбакыже тӧрлаш тӱҥалыт. Тидыжым 31 октябрь марте ыштен шуктышаш улыт.