Волгатехыште волонтёр-влак СВО-што улшо-влаклан гуманитарный полышым погат, учёный-влак фронтлан кӱлешан тӱрлӧ устройствым ямдылат.
Гуманитарный образований факультетыште «Орда» телеграм-канал дене пырля кажне арнян вӱргече еда университетын икымше корпусыштыжо еҥ-влак деч тӱрлӧ арверым, вургемым погат. Тыгай пашам СВО-м мучашлыме марте шукташ тӱҥалыт. Кызытеш фронтыш 430 кг утла гуманитарный полышым: шокшо вургемым, аккумуляторым, малаш йӧнештарыме верым (спальникым), грелкым, кочкышым, генераторым, БПЛА-лан аккумуляторым, гигиене средства ден эмым – колтымо.
Волгатехын учёныйже-влакат ӧрдыжеш кодын огытыл. Инжиниринг да дизайн рӱдер 3D печать дене накольник ден хвостовик-влакым ыштен. Изи боеприпас-влак тушманым чактараш полшат. Пластик кленча-влакым перерабатыватлен, икмыняр экземплярым печатлен лукмо. «УМНИК» конкурсышто сеҥышыш лекше проект почеш, пластикым ыштыме устройствым ямдылыме.
Ямде сатум ветеран-влакын Российысе «Боевое братство» мер организацийжын Марий Эл Республикысе пӧлкажлан пуымо да тудым СВО зонышко колтымо.
