6 октябрьыште Марий Элым Вуйлатыше Юрий Зайцев республикысе профсоюз-влакым ушышо ушемын председательже Александр Майоров дене вашлийын. Нуно профсоюз-влакын регионысо кугыжаныш кучем дене пашам ыштымышт шотышто йодыш-влакым каҥашеныт.
Вашлиймаш профсоюз-влакын тӱнямбал кечыштлан пӧлеклалтын. Молгунамсе семынак ты кече вашеш тӱрлӧ акций эртаралтеш. Тений тудо «Zа Достойный труд!», «Zа Конституцию!», «Zа уважение к закону о профсоюзах!» да «Zа Президента!» лозунг-влак почеш лиеш. Ю.Зайцев кундемыштына профсоюз-влакын шуктымо сомылыштым кӱкшын аклен.