Марий Элысе кок тоштер Российысе 11 эн сай тоштер радамыш логалын.
Рейтингым tutu путешествий сервисын «Медиаразведка» проектшын участникше-влак ыштеныт. Марий Элышке ты проект дене ӱмаште июньышто толын коштыныт. Рейтингыш Морко район Унчо селасе этнокультурный комплекс (Шлань ялыште верланен) ден Козьмодемьянск оласе купеч илыш-йӱла тоштер логалын. Тиде кок верым кӱкшын аклыме, шуко баллым пуымо.
Палемдыман, Российысе 24 регионышто 100 тоштер ден интерактивный экскурсий программым блогер ден журналист-влак ончен лектыныт.