Москошто Марий Элым Вуйлатыше Ю.Зайцев РФ-ын чоҥымо паша да ЖКХ министрже И.Файзуллин дене вашлийын мутланен.
Нуно «Оздоровление Волги», «Чистая вода», «Формирование комфортной городской среды» федеральный да «Обеспечение устойчивого сокращения непригодного для проживания жилищного фонда» региональный проект-влак шукталтмым каҥашеныт.
Марий Элым Вуйлатышын ойлымыж почеш, 2023 ийыште калык коштмо вер ден кудывечылам уэмдыме паша кая. Ноябрь мучаш марте йӧнан оласе средам ыштыме шотышто VI да VII всероссийский эн сай проект конкурсышто сеҥыме почеш кугу пашам мучашлаш палемдыме. Объект-влакын чумыр акышт 240 млн теҥгешке шуэш. Поснак Звениговышто Юлысо причал воктене набережныйым, Волжск олаште Рӱдӧ площадьым да Ленин уремым, Козьмодемьянскыште композитор А.Эшпайын изи садшым сылнештарат.