Марий Элым Вуйлатыше Юрий Зайцев Полупроводниковый прибор-влак заводын (ЗПП) паша коллектившылан Александр Невскийын орденжым кучыктен. Ты кугыжаныш наградым пуымо нерген указым Россий Президент Владимир Путин подписатлен.
ЗПП «Элемент» компаний-влак тӱшкаш пура. Завод Российыште микроэлектронике отрасльын кугурак ужашыжым айла. Кызыт утларакшым кӱкшӧ технологиян, импортный аналог-влакым вашталтен кертше у металлокерамический корпус-влакым ямдылымылан да ыштен лукмылан тӱткышым ойырат.
Полупровдниковый прибор-влак да Марий машиностроительный заводла, «Элемент» компаний-шамыч группо да Марий Элысе Правительстве дене кылым пеҥгыдемдыме шотышто дорожный картым подписатленыт.
Марий Элым Вуйлатышын пресс-службыжын фотожо.