Тыгай ончер 7 декабрьыште С.Г.Чавайн лӱмеш Национальный книгагудышто почылтын.
Авторжо – «Марий Эл» газетыште 1998 ий годсек фотокорреспондентлан ыштыше Михаил Скобелев. Ончерым тудо ӱдыр ден ӱдырамаш-влаклан пӧлеклен. «Мыйын фотокартычкысе образ-влак мотор да шкешотан улыт. Сӧраллыкым эре кычалаш лиеш, а нуно теве воктеннак улыт. Ала нунын коклаште шкендамат муыда, толза, ончыза», – ӱжеш Михаил Ильич чыла кумылан еҥым.