Йошкар-Олаште Т.В.Иштрикова лӱмеш «Синяя птица» гимназийыште «Территория единства» уш-акылым тергыме марафон эртаралтын.
Марий Элын тӱрлӧ район ден олаж гыч вич команде шинчымашым тергымаште таҥасен веле огыл, тунемше-шамыч тыгак у дене палдарыше путешествий тӱняште лийын онченыт. Ӱдыр-рвезе-влак 400 ий ондакысе жапыш вонченыт да историйын тӱҥ событийже-влакым шке шинчашт дене «ужыныт», неле задаче-шамычым решатленыт.
Чыла этапым иктешлымеке, сеҥыше команде пале лийын – Семёновка селасе 21-ше №-ан школын «Орлята» командыже икымше верым налын.
Марий Элысе Образований да науко министерствын сайтше гыч налме фото.