Апрель тӱҥалтыш мемнам чотак ӧрыктарыш: кӱдырчан йӱр, марий манмыла, почкыш. Тыгай пӱртӱс явленийже кунам лийме нерген шарнымашыштым ятыр еҥ деч йодым, но иктат ыш шарналте.
Ожно тыге шоненыт: апрель тӱҥалтыште кӱдырчӧ шоктымо да кӱдырчан йӱр лийме игече кинде могай лийшаш нерген шижтарат.
Апрель тӱҥалтышыште кӱдырчан йӱр йӱреш – леве кеҥежлан, тыгак пӱкш шуко лиеш.
Кӱдырчан йӱр годым але апрель тӱҥалтыште ий тарванен огыл гын, шошо йӱштӧ лиеш; кеҥеж –
леве, киндылан поян.
Кӱдырчӧ Кугече деч ончыч кӱдырта гын, кеҥежым шолеман йӱр чӱчкыдын лиеш.
Вячеслав СМИРНОВ.
Морко район.