Удмуртийысе Можга районысо Малая Сюга тӱвыра пӧртыштӧ «В созвездии ветеранских талантов и увлечений» республикысе фестиваль-конкурсын зональный этапше эртаралтын.
Тушто кок марий коллектив выступатлен. Алнаш район гыч «Варале сем» марла мурен. А Грах районысо Кугу Йырсе гыч «Йырсе памаш» ансамбль «Хореографий» номинацийыште II степенян диплом дене палемдалтын.