Марий Эл Республикын Кугыжаныш архивше 28 апрельыште «йыргешке ӱстел» йыр каҥашымашке кугыжаныш да мер пашаеҥ-влакым чумырен.
Тушто республикыштына тӱвыра, йӱла да юмыйӱла паша кузе таче шукталтме шотышто мутланеныт, ончычсым шарналтеныт.
Марий, руш, татар да моло калык-влак кундемыштына шукын илат, кажнын шке ойыртемже. Сандене икте-весе дене келшымаш лийже манын, вес калык йӱламат палыман, пайремымат пырля эртарыман. Тидлан марий мландыштына чыла йӧн ышталтын манын, кажне каласкалыше еҥ шке докладыштыже ойлен.