13-19 июльышто Йошкар-Олаште марий йылме лагерь пашам ышташ тӱҥалеш.
Участник-влак Саранск, Санкт-Петербург, Моско, Ӱпӧ олала, Киров кундем гыч лийыт.
Занятий-влак Калыкле сымыктыш гимназийыште эртат. Сымыктыш аланыште тыршыше еҥ-влак дене вашлияш, тоштерыш да Калыкле книгагудыш миен толыт. Лагерьын организаторжо-влак: Ленинград областьысе «Ший корно» марий автономийым вуйлатыше Л.Арламова ден марий йылме дене онлайн школын туныктышыжо Н.Венина.