Марий Элым Вуйлатышын пашажым жаплан шуктышо Ю.Зайцев эртыше арням шке Телеграм-каналыштыже иктешлен.
— Кажне арнян эртаралтше совещанийыште коллегем-влак дене оласе комфорт средам, образований аланым саемдыме да пасу пашам эртарымаште шотышто лекше йодыш-влак нерген мутланенна.
— Марий Элым Вуйлатыше должностьлан кандидатурем официально регистрироватленам.
— «Демография» нацпроект почеш Йошкар-Олаште «Работа России» кадровый рӱдер почылтын. Тудо полшымо дене республикыште илыше-влак пашам вашке муын кертыт.
— Агропромышленный комплексын активше дене тиде отрасльлан кугыжанышын полышым ыштымыжым каҥашенна.
— Мер палатын еҥже-влак дене Марий Эл Республикым вияҥден колтымо стратегийже нерен мутланенна, ончыкылык кугу погынымашлан ямдылалтынна.
— Йошкар-Олан 438 ияш лӱмгечыжым кумдан, моторын да веселан палемдышна. Олаште илыше ден уна-влакым концерт, конкурс, тӱрлӧ мероприятий вучен. Пайремым ямдылаш полшышо-влакым тауштем!