17 февральыште Курыкмарий район Красноволжский школышто Российысе «ЮНАРМИЙ» йоча военно-патриотический мер толкынын верысе пӧлкажын III слётшо лийын.
Тудым «Образований» нацпроект почеш эртарыме. Мероприятий Шочмо элым аралыме кечылан пӧлеклалтын.
Слётыш ты районысо тӱрлӧ отряд толын. Виловат школын тӱмырзыжӧ-влак выступленийышт дене мероприятийым почыныт. Варажым «ЮНАРМИЙ» толкыныш пуртымо церемоний эртен. Чыла юнармеецлан юнармейский книжкам, юнармийын да Марк Евтюхинын значокшо-влакым кучыктеныт.
Тыгодым икмыняр интерактивный площадке пашам ыштен. Тушто Кугу Отечественный сар годсо оҥай артефакт дене палымым ыштеныт, саргурал ончерым ончыктеныт, Калашниковын автоматшым рончаш да погаш, сусыргышо еҥым нумалме носилкам ышташ, кылдыш-влакым пидаш туныктеныт, Патырлык урокым эртареныт, юнармейский кочкыш дене палдареныт.
Марий Элысе образований да науко министерствын соцкылже гыч налме фото-влак.