Колызо пуш дене ик еҥым ик сер гыч весыш вончыктара. Пӧръеҥ колызым эре вашкыкта: «Писынрак удыро, вараш кодам!» Трук ужеш: ик пушкольмышто «Юмылто» манын возымо, весыште – «Пашам ыште». «Тидыже молан?» – йодеш тудо. «Юмылташ да пашам ышташ кӱлмым мондаш огыл», – вашешта колызо. «Пашам чылан ыштыман, тидын дене келшем. А молан жапым юмылтымылан йомдараш?» – ойла пӧръеҥ. «Юмылташ огеш кӱл?» – ӧрын йодеш колызо. Вӱд гыч «Юмылто» манын возыман пушкольмым луктеш да вес пушкольмо дене гына удыра. Пуш верыште пӧрдаш тӱҥалеш. «Теве ужат: юмылтыде, пашам ышташ неле. Ик верыште пӧрдына, нимынярланат ончыко огына кай», – ойла колызо.
Тышеч раш: илыш теҥыз дене ӱшанлын ончыко ияш манын, кидыште кок пушкольмыге чот кучыман: юмылтыман да пашам ыштыман.