Черке соцполыш «шокшо линий» Марий Элыште илыше-влаклан пашам ышташ тӱҥалеш.
Российыште «Серлагыш» («Милосердие») черке соцполыш федерал «шокшо линий» пашам ышташ тӱҥалын.
Кеч-могай жапыште кажне кумылан еҥ, ончыктымо телефон номер дене йыҥгыртен, полышым оксам тӱлыде налын кертеш: 8-800-70-70-222.
Юмылан ӱшаныше-влак юмынъеҥын черле-влак деке толмышт нерген, кочкышым йодмо дене кылдалтше йодышым пуэн кертыт. Марий Эл гыч пурышо йыҥгыртыш-влакым Йошкар-Оласе Епархийын суап пашам вӱден шогышо пӧлкан иерейже Михеев Алексийлан колтат.