Юл кундемым шымлат

 

17-18 ноябрьыште В.М.Васильев лӱмеш МарНИИЯЛИ-ште  «Регионы России в военной истории страны» III всероссийский научно-практический конференций эртаралтын.

Тений тушто Российын 22 кундемже гыч участник-влак лийыныт. Икымше кечын пленарный заседанийыште «Марий Эл» ГТРК-н ямдылыме «По следам прошлого: Волжский рубеж» фильмжым ончыктымо, «Военная история марийского народа» книган презентацийже эртаралтын. Вара «Волжский оборонительный рубеж» теме дене «йыргышке ӱстел» лийын. Вес кечынже кок секций пашам ыштен, тушто ятыр докладым колыштмо.

Снимкыште: Волжский оборонительный рубежым чоҥымаш.