5 февральыште Йошкар-Олан Национальный галерейыштыже икымше гана «Поволжский треугольник» лӱман Сергей Федонинын арт проектше почылтын. Арт проект кок тылзе наре шуйнаш тӱҥалеш. Проектыште кызытсе искусствын тӱрлӧ лончышт-влакым ончыкташ тӱҥалыт. Кугу верым тыште тӱрлӧ регионласе фотомастар-влакын мемнан илышын тӱрлӧмогыржым ончыктышо фотовыставке налеш. «Вашкыл» лӱман сӱретче-влакын ончерыштланат кугу вниманийым ойырат. Инсталляций, видеопоэзий, видеоарт да мастер-класслаште участвоватлаш лиеш. Творческй вашлиймаш да тулеч моло шуко оҥай мероприятий-влак ончаш толшо-влакым куандараш тӱҥалыт. Мемнан марий кундемнан мастарже-влакын пашаштымат тиде проектыште ужын кертына. Икмынярыштыным кызытак фотосӱретлаште ончалаш темлем.
