Турист-влакын тургымышт тӱҥалмеке, Марий кундемыш вес верла гыч толшо-влак ешаралтыныт. Утларакшым нуно Юл эҥер дене путешествоватлымым ойырен налыт.
Палемдыман: речной туризмлан республикысе Правительстве кугу тӱткышым ойыра. Марий Элым Вуйлатыше ӱшана: Ю.Зайцев Юлышто пассажир-влакым шупшыктымо, сер воктенысе инфраструктурым тӱзатыме паша утларак туристым кондаш да уна-шамычым Козьмодемьянск ден Юрино посёлко дене палымым ышташ, нунылан Юл кундемысе мотор вершӧрым, Шереметев замокым, ончыкташ полша.
Водно-круизный туризмым вияҥдымаш 2025 ий марте Марий Эл Республикын туризмым вияҥдыме стратегийышкыже пурталтын.
Умбакыже — «Кугарня» газетыште ( 2023 ий 2 июнь, №22)