Тачысе кече марте кундемышкына вес элла гыч 16699 еҥ толын. Тушеч 16549 еҥже коронавирус чер шотышто тергалтын але прививкым ыштыктен. Йотэл гыч толмеке, 142 еҥ палемдыме жапыште COVID-19 инфекцийым пален налме шотышто тергалтын огыл. Кок икшывын анализшын чын улмыжым тергаш правам аралыме органышке колтымо. Молыштым Роспотребнадзорын управленийышкыже ӱжыктымӧ. Тачысе кечын судышко 129 пашам ончаш колтымо. 122 еҥлан чылаже 832,5 тӱжем теҥгеаш штрафым тӱлаш пуымо. Марий Элыште йотэлла гыч толшо-влак коклаште 83 еҥын коронавирус инфекцийым мумо.