Йотэл гыч толшо-влаклан СНИЛС-ым налме процессым саемден кертыт. Тыге нуно обслуживатлыше рӱдерыш ик гана мийымаштак сим-картым оформитлаш кӱлшӧ чыла пашам шуктен сеҥат. Минцифре келшен толшо вашталтышым ямдылен.
Мом темлат:
Обслуживатлыше рӱдер-влак СНИЛС-ым налаш ЕСИА полшымо дене йотэлысе еҥ нерген уверым Соцфонд деч йодын кертыт. Умбакыже документ Госуслугышто аккаунтым ышташ кучылталтеш.
Мом тиде вашталта:
Йотэлысе еҥ-влаклан СНИЛС-ым оформитлыме да тудын нерген уверым тӱрлӧ информсистемыш пуымо жап кӱчыкемеш.
СНИЛС-ым оформитлаш, Госуслугышто аккаунтыштым ышташ да сим-картым налаш биометрийым ик гана толын кайыме дене ышташ лиеш.
2025 ий 1 январь гыч йотэл гыч толшо-влакын сим-картым налме радамым нелыракым ыштеныт. Кыл договорым ышташ манын, нунылан СНИЛС-ым налман, Госуслугышто аккаунтым ыштыман, биометрийым регистрироватлыман да телефонын IMEI-ым увертарыман. Мере-влак мошенник да «сур» сим-карт-влак ваштареш кучедалаш виктаралтыныт.
freepik сайт гыч налме сӱрет.