Тиде арнян Калуга олаште «У кӱкшыт» беспилотный авиационный системе шотышто Всероссийский турнирын отборочный этапше эртаралтеш.
Тушто 28 регион гыч 300 утла чолга еҥ участвоватла. Нуно беспилотник дене пашам ыштыме мастарлыкыштым икмыняр номинацийыште ончыктат.
Турнирыште Марий Элын чапшым «Йошкин дрон» команде арала. Тудо – «Аламнер-2025» беспилотный авиационный системе шотышто икымше регионысо форумын сеҥышыже. Командыште Йошкар-Оласе технологический техникумын да Козьмодемьянск оласе 3-шо №-ан школын тунемшыже ден туныктышыжо-влак улыт.
Фотом Марий Элын образований да науко министерствын ВК-се лаштыкше гыч налме.