Марий Эл Республикын командыже «Йошкин дрон» «У кӱкшыт» пилотдымо авиационный системе шотышто Всероссийский турнирын финалышкыже лектын!
Тушто 28 регион гыч 300 утла чолга ӱдыр-рвезе участвоватла. Нуно беспилотник дене пашам ыштыме мастарлыкыштым икмыняр номинацийыште ончыктат.
Россий кӱкшытан турнирын финалже тений декабрьыште Калуга олаште лиеш.
Марий Элысе Образований да науко министерствын ВК-се тӱшкаж гыч налме фото.