ойла киноактрисе Ирина Темичева.
Российысе кинематографийыште Марий Элыште шочын-кушшо артист-влак шукынжак огытыл, но икмыняржын лӱмжӧ элыштына кӱкшын йоҥгалтеш. Нунын коклаште – Йошкар-Олаште шочын-кушшо Ирина Темичева. Тачылан тудын киношто 60 утла рольжо уло. «СТС» телеканал дене ончыкталтше «Кухня» комедийыште официантке Еван образше ӱдырын талантшым утларак почын пуаш полшен. Тылеч вара Ирина «Фото на память», «Кухня. Война за отель», «Большое небо», «Гудбай, Америка», «Андреевский флаг», «Записки отельера #Гельвеция», «Счастье меня найдёт», «Спецбат» да моло фильмыште сниматлалтын.
…
– Йошкар-Ола – шочмо олада. Тышке чӱчкыдын толыда?
– Мый 50 наре элыште лийынам. А шочмо Йошкар-Олашке толмекем, вий-куат ешаралтмым, шӱм-чон пеледалтмым эреак шижам. Сандене ты ола – мыйын шочмо верем веле огыл, тыгак чонемын ик эн шерге ужашыже. Тыште авам ден ачам, йоча годсо йолташем-влак илат. Идалыклан ик гана мӧҥгӧ толын каяшак тыршем. Пытартыш гана Йошкар-Олан шочмо кечышкыже пелашем дене толынна ыле. Тунам ме площадьысе сценыште пырля муренна, мыйын шочмо оламым саламленна. Йошкар-Ола, чынжымак, чот вашталтын. Какшан сер воктене эртыме годым йомакыште улмо гай веле чучеш. Чарла кремльыште, Брюгге набережныйыште лияш келша, Йошкин пырысат чоным савыра. Коллеге йолташем-влакланат олана нерген кумылын каласкалем. «Девочки не сдаются» проектыште продюсер-влаклан героинем Йошкар-Ола гыч манын ойлаш темленам. Тӱҥалтыш серийлаште лачшым тидын нерген ойлем да умбакыжат героиньын илышыже кинофильмыште лач ты ола гыч улмыж нерген каласкалалтеш.
КУМДАНРАК 2022 ИЙ 30 ДЕКАБРЬЫШТЕ ЛЕКШЕ НОМЕРЫШТЕ ЛУДАШ ЛИЕШ.
ТЫГАК ГАЗЕТЫН ЭЛЕКТРОН ВЕРСИЙЖЫМ КЕВЫТЫШТЕ НАЛАШ ЙӧН УЛО.
