Йошкар-Олаште илыше да кумдан палыме еҥ-влаклан шарнымаш оҥа-влакым шогалташ шонат.
Тыгай йодмаш дене мемориал оҥам да шарнымаш тамга-влакым вераҥдыме йодышым рашемдыше комиссий Йошкар-Оласе Собранийын депутатше-влак деке лектын. Йодмашлан вашмутым черетан сессийыште каҥашат.
Нине кум еҥлан шарнымаш оҥам шогалташ темлат:
1) Ксенофонт Никанорович Сануковлан – историй шанче доктор, профессор, туныктышо, мер пашаеҥ, РФ кӱшыл школын сулло пашаеҥже.
2) Николай Александрович Рыжков – Марий Эл Республикысе ОМОН-ын кугурак инженер-сапёржо. Чечня Республикысе Грозный олаште службо годым вуйжым пыштен.
3) Виктор Викторович Севастьянов – медицине шанче доктор, РФ-ын да Марий Эл Республикын сулло врачше.