«Приоритет-2030» программе почеш Марий Элыште кусарыше-влакым 25 ий ямдылыме лӱмеш октябрь тӱҥалтыште МарГУ-што «Языки. Культуры. Этносы» тӱнямбал форум эртаралтын. Тушко 3500 утла еҥ ушнен.
Форумышто тӱнямбал конференцийым, викторине, турнир ден конкурс, мастер-класс-влакым эртарыме. 18 йылме (китай, япон, армян, француз да моло) дене гына мастер-класс лийын. Кулинарный турнирыште тӱрлӧ эл гыч толшо 34 участник шке национальный кочкышыж нерген палдарен.
МарГУ ден кусарыше туныктышо-влакын ассоциацийышт икте-весе дене пашам ышташ тӱҥалмышт шотышто ойпидышыш кидпалыштым пыштеныт.
Форум годым эртыше конкурслаште сеҥыше-влаклан дипломым, шарнымашан пӧлекым кучыктеныт.