Йошкар-Олаште «Моторлык» кызытсе жаплан келшыше сымыктыш фестивальым эртарат.
2023 ий 10 декабрь гыч 2024 ий 10 март марте оласе кумдыкым вияҥдыше YO.Republic компаний Марий Эл Республик Правительствын да Йошкар-Олан Администрацийжын полшымышт дене «Моторлык» кызытсе жаплан келшыше сымыктыш фестивальым икымше гана эртараш тӱҥалеш.
Репабликлан негызым пыштыше да вуйлатыше Евгений Томуров шке шонымашыжым каласен:
«Ме Йошкар-Олан набережныйжым вес семын умылынена. Оланам илышлан эшеат саемдаш, амалкалче ден уста еҥ-влаклан йӧнан верым ышташ шонена. «Моторлык» телымсе фестивальын задачыже – творчестве да кызытсе сымыктыш гоч Йошкар-Олаште Российысе тӱрлӧ калык-влакын тӱвыраштым ушаш».
Фестивальын авторжо да кураторжылан Марина Глухова шотлалтеш. Тудо культур амалкалче, Laboratory abc соосновательже, Сколково «Культурный код» управлений школышто тунемме программын вӱдышыжӧ да соавторжо. Фестивальыш тӱня мучко палыме российысе сӱретче-влак да кызытсе жаплан келшыше сымыктыш галерей-влак ушнат.
Кумданрак фестивальын сайтыштыже: https://wearepublic.ru/krasota