25-28 мартыште Пятигорск олаште калык кокласе «Многоликий Кавказ» VII фестиваль-конкурс эртен.
Марий Эл гыч кок коллектив — Йошкар-Оласе 26-шо №-ан гимназийын «Дебют» бальный куштымаш образцовый ансамбль (вуйлатыше А.Соколова ) да Ленин лӱмеш тӱвыра полатын «СИМД» Кавказ куштымаш студийже (вуйлатыше А.Гаспарян) тушко миен.
«Дебют» ансамбль «Звенящие браслеты», «Ночное свидание» куштымаш-влакым ончыктен, а Кавказ куштымаш студий кок гана лезгинкым куштен. Ныл номержат тӱрлӧ номинацийыште икымше верым налыныт.
