Йошкар-Олан администрацийышкыже 16 кумдыкым тӱзатыме шотышто темлымаш-влак пуреныт.
«Формирование комфортной городской среды» программылан келшышын, оласе кумдыкым тӱзатыме шотышто Йошкар-Олаште илыше-влак темлымаш-шамычым колтат. Кызытеш 16 тыгай вер шотышто темлымаш пурен, нунын коклаште – Киров, Волков, Подольский курсант-влак, Бауман да моло уремысе йолын коштмо корным саемдаш, Марий паркым ышташ. Теат шке шонымыдам каласен кертыда.
Проектда йӱклымаш марте шужо манын, 100 наре еҥын кидпалыжым погыман.