СССР Вооружённый Вийын 70-ше идалыкше урем
Ты урем ончыч Жуково ялын вич изуремже гыч иктыжлан шотлалтын. Тушто пӧрт-влакым 1930-шо ийлаште чоҥаш тӱҥалыныт. ВЦИК-ын 1938 ий 2 мартысе пунчалжеже почеш, тудым Йошкар-Ола дене ушеныт. 1954 ийыште уремлан Совет Ушем Герой Иван Васильевич Панфиловын лӱмжым пуэныт. Кугу Отечественный сарыште сеҥымылан 70 ий теммеке, тудым СССР Вооружённый Вийын 70-ше идалыкше манын лӱмденыт.
Ты уремыште торашке волгалтше, кӱкшакаште шинчыше Печать пӧрт верланен. Тушто «Кугарня», «Марий Эл», «Ямде лий», «Марийская правда» газет редакций-влак пашам ыштат. Тыгак зданийыште коммерческий организаций-влакын офисышт улыт.
Вашке ты уремыште 16 пачашан «Кок капитан» пӧрт лиеш маныт. Тыгак йоча да спорт площадке-влакым келыштараш палемдыме. Тугеже Йошкар-Олаште торашке койшо кӱкшӧ пӧрт-влак Печать пӧрт воктенак лийыт.