Тиде арнян Йошкар-Ола гыч Нижний Новгород олаш автобус кошташ тӱҥалеш. 14 июнь гыч Йошкар-Ола – Лысково – Нижний Новгород маршрут дене пассажир транспортым колтат.
Республикысе автовокзалын сайтыштыже увертарыме почеш, 35 веран автобус-влак марий рӱдола гыч чётный кечылаште 8:30-лан тарванат.
Нижний Новгород марте автобус 6 шагат наре кудалеш, а билет — 1400 теҥге.
«Внешний транспорт Марий Эл» ВК-се сообщество гыч налме.